विद्युत अपडेट
  • प्राधिकरण :९१९८ मे.वा.घन्टा
  • सहायक कम्पनी :५४४० मे.वा.घन्टा
  • निजी क्षेत्र :१३९०० मे.वा.घन्टा
  • आयात : ४०३ मे.वा.घन्टा
  • निर्यात :२१३८ मे.वा.घन्टा
  • ट्रिपिङ : मे.वा.घन्टा
  • ऊर्जा माग :२८९४२ मे.वा.घन्टा
  • प्राधिकरण : ०० मे.वा.
  • सहायक कम्पनी :०० मे.वा.
  • निजी क्षेत्र :०० मे.वा.
  • आयात : ०० मे.वा.
  • निर्यात : ०० मे.वा.
  • ट्रिपिङ :०० मे.वा.
  • उच्च माग :१६९० मे.वा.
२०७९ मङ्सिर २१, बुधबार

भारतले स्वतन्त्रता दिवसकाे अवसरमा हाइड्राेजनबाट चल्ने रेल सञ्चालनमा ल्याउने

२०७९ असोज ७

एजेन्सी । भारत सरकारले आफ्नो आगामी स्वतन्त्रता दिवसका अवसरमा पहिलो हाइड्राेजनबाट चल्ने रेल सञ्चालनमा ल्याउने भएकाे छ ।

भारतका संघीय मन्त्री आश्विनी वैष्णवका अनुसार उक्त रेल भारतभित्रै डिजाइन र निर्माण गरिएको हो । उनले भारतको पहिलो हाइड्राेजनबाट चल्ने रेल सन् २०२३ को अगष्ट १५ बाट सञ्चालनमा ल्याइने पनि बताएका छन् ।

जर्मनीले गत महिनाबाट विश्वकै पहिलो हाइड्राेजन–पावर रेल सेवा ल्याएको छ । हाइड्राेजन ग्यासबाट चल्ने यस प्रकारको सवारी साधन वातावरणीय हिसाबले उपयुक्त मानिएको छ ।

भारतीय अधिकारीका अनुसार भारतमा सञ्चालनमा ल्याउन लागिएको हाइड्राेजन–पावर रेल चेन्नइ स्थित इन्टेग्रल कोच फ्याक्ट्री (आइसीएफ) मा तयार पारिएको हो । उक्त रेल संसारकै उत्कृष्ट पाँच मध्येको एक रहेको दावी भारतीय अधिकारीको रहेको छ ।

यस रेलको गति १८० किलाेमिटर प्रतिघण्टा रहने जनाइएको छ, अन्य रेलहरूको तुलनामा हाइड्राेजन–पावर रेल विभिन्न कुराहरूले उत्कृष्ट हुने पनि जनाइएको छ । मन्त्री वैष्णवका अनुसार उक्त रेलमा अधिक गतिका बावजुद यात्रुहरूले कुनै पनि प्रकारको झट्का महसुस गर्नुपर्ने छैन ।